Упоминание о Колочской иконе в летописях

Автор Янишевский Б.Е.

Ермолинская


В лето 6921 (1413). Бысть много прощение от иконы в Можаисце от Пречистыя, за 15 веръст от него, в Колоче, с неюже Лука ходил. … ПСРЛ. Т. XXIII. М. 2004. С. 144.
 

Хронограф


В лето 921 (1413) явишася чюдеса ото иконы пречистыя Богородица за 20 версть от града Можайска. И поиде с нею Лука к Можайску, и срете его князь Андрей Димитреевичь и весь народ со кресты. И оттуле поиде и в прочаа грады, и сретаху его князи и боляре с честию и со многими дары. И от сих обогатев зело и оуклонися в житие неполезно, коръчемъствоваше и продаяше целбы, еже творя святая Богородица пречистым своим образом. И сего ради подвиже на него князя Андрея Димитреевича: и взят оу него икону и его обоима и того имением постави монастырь во имя святыя Богородица Колочьской и икону постави в нем, иже и до сего дни чюдеса творить. ПСРЛ. Т. XXII. М. 2005. С. 425.
 

Новгородская Карамзинская


В лето 6921 (1413). ... Того же лета от Можаиска града за 10 верст, в отчине князя Андрея Дмитриевича, от иконы пресвятыа Богородица явилося знамение и прощение многым людемь, слепым, хромым, разслабленым, глухым и немым, несть мощно и сказати или счести их, ум человечь не может изрещи, колико человеколюбие Божие и какова милость на людех. ПСРЛ. Т. XLII. СПб. 2002. С. 174.
 

Авраамки


В лето 6921 (1413). … Того же лета от Можайска града за 10 верст, вътчине князя Андрея Дмитриевича, от иконы пресвятыя Богородица явилося жалованье и прощения людемь многа: слепем, хромым, раслабленым, глухым, немым; несть мощно сказати или исчести чюдес, ни ум человечь не можеть сказати колико человеколюбье Божие и како милость святей Богородице на людех. ПСРЛ. Т. XVI. М. 2000. С. 161.
 

Софийская 2-я


В лето 6921 (1413). Бысть прощения от иконы в Можаисце от Пречистыя за 15 веръст от Можаиска в Колоче, с нею же Лука ходил и поиде к Можаиску. И срете его князь Андреи Дмитреевич и весь народ со кресты. Оттоле прииде в прочая грады, и сретаху князи и боляре, и все христьянство з дары и с великою честью. И возрадовася вся земля и бысть прощения, хромыя и слепыя, болныя, разслабленая исцеления приимаху, ум человечь не может изрещи милости божиа. … ПСРЛ. Т. VI. Вып. 2. М. 2001. С. 39.

Прочитано 2417 раз

Добавить комментарий

Защитный код
Обновить

Верстка сайта